Pidato Bahasa Bali

Kemerdekaan Indonesia

       Suksman aturang titiang majeng ring pangater acara antuk galahe sane kapaica ring titiang. Sedurung titiang ngelanturang matur amatra pinih ajeng iraga sareng sami nunas ica majeng ring Ida Sang Hyang Widhi Wasa, duaning sangkaning paswecan Ida prasida raris iraga mesadu ajeng ring galahe tur genahe sane becik puniki. Sadurung titiang matur-atur pinih riin ngiring sareng sami ngucapang pangastungkara.

OM SWASTYASTU

Sane Wangiang titiang Ketua Komite SMA N 1 .........

Sane Wangiang titiang Kepala Sekolah SMA N 1 .........

Sane Wangiang titiang Staf Dewan Guru SMA N 1 ..........

Sapunika taler timpal-timpal titiang sareng sami sane tan prasida ojah titiang saka siki sane dahat suksamayang tur tresna asihin titiang

            Ida dane sareng sami ring rahina mangkin 17 Agustus 2013 puniki para warga ring Jagat Indonesiane ngelaksanayang acara Peringatan Hut Kemerdekaan Indonesia sane kaping 68. Upacara peringatan puniki presida raris semangat patriotik pahlawan kemerdekaan katulad olih para warga ring sejebag jagat Indonesia pamekasne alit-alite utawi para yowana. Duaning acara peringatan puniki iraga sareng sami prasida pacang uning tur eling ring jasa para pahlawane punika. Timpal-timpal titiang sinamiang taler dewek titiang patut nyane setata miara panegara Indonesia puniki sane sampun merdeka antuk ngamargiang wewangunan. Wewangunan punika nenten ja wantah ring fisik kemanten mental spiritual iraga patut taler kewangun mangda raris maprilaksana sane becik sane manut ring tata tertib utawi norma ring masyarakat punika. Yening sampun iraga prasida ngemargiang wewangunan punika, pastika iraga sareng sami sampun ngelanturang semangat para pejuang punika. Inggih Ida dane sane wangiang titiang, asapunika presida  antuk titiang nartayang indik kasuksman Acara Peringatan HUT RI ke 68 puniki. ngiring alit-alite utawi yowana mangkin prasida nagingin kemerdekaan puniki antuk seleg malajah mangda napi sane kaarsa olih para pejuang-pejuang sane sampun lintang mangda kaisinin lan ngawit sane mangkin iraga sareng sami setata miara panegara Indonesia tur mawit seleg malajah wewidangan iraga soang-soang.

            Inggih wantah asapunika pidarta tiange yening weneten keiwangan titiang nunas geng Rna sinampura. Inggih titiang puputang antuk Parama Shanti

OM SHANTI, SHANTI, SHANTI, OM